គ្រឿងបរិក្ខារ និងសេវាកម្ម

នៅអាកាសយានដ្ឋានអន្តរជាតិតេជោ យើងប្តេជ្ញាចិត្តផ្តល់នូវសេវាចុះឈ្មោះ ដែលរលូន ប្រកបដោយការស្វាគមន៍យ៉ាងកក់ក្តៅ ដើម្បីអោយការធ្វើដំណើរចាប់ផ្តើមយ៉ាងងាយស្រួល។ 
បញ្ជរចុះឈ្មោះ ត្រូវបានរចនាឡើងសម្រាប់ទទួលអ្នកដំណើរទាំងជើងហោះហើរក្នុងប្រទេស និងអន្តរជាតិ ដោយមានការរៀបចំបញ្ជរជាច្រើន ដោយបែងចែកយ៉ាងច្បាស់លាស់ និងបុគ្គលិកដែលរួសរាយរាក់ទាក់ ដើម្បីធានាឲ្យអ្នកទទួលបានបទពិសោធន៍ល្អចាប់ពីពេលដែលអ្នកមកដល់។

សូមប្រាកដថាអីវ៉ាន់របស់អ្នកត្រូវបានវេចខ្ចប់ដោយខ្លួនឯង តាមបទបញ្ជាផ្នែកសន្តិសុខអាកាសចរណ៍ និង មិនត្រូវទុកអីវ៉ាន់ឲ្យគេយកទៅខ្លួនឯងឡើយ មុនពេលចូលពិនិត្យ។

ចាប់ពីការចុះឈ្មោះតាមបញ្ជររហូតដល់ការចូលពិនិត្យដោយខ្លួនឯង (Self-Service) អាកាសយានដ្ឋានអន្តរជាតិតេជោធានាថា ការធ្វើដំណើររបស់អ្នកចាប់ផ្តើមយ៉ាងរលូន និងមានសុវត្ថិភាព។

បញ្ជរចុះឈ្មោះធំទូលាយ ជាមួយនឹងភាពងាយស្រួល

បញ្ជរចុះឈ្មោះនៅ អាកាសយានដ្ឋានអន្តរជាតិតេជោ បែងចែកចេញជា ៤ តំបន់ (Islands) ដែលក្នុងមួយតំបន់ មាន ៨ ជួរ ជាមួយនឹងបញ្ជរសរុបចំនួន ១៤ ដែលផ្តល់សមត្ថភាពយ៉ាងគ្រប់គ្រាន់សម្រាប់បម្រើអ្នកដំណើរ ទោះនៅពេលម៉ោងដែលមមាញឹកក៏ដោយ។

ដើម្បីធានាថាការចុះឈ្មោះអាចអនុវត្តបានយ៉ាងច្បាស់លាស់ និងមានប្រសិទ្ធភាព បញ្ជរចុះឈ្មោះត្រូវបានចាត់ចែងដូចខាងក្រោម៖

• ជួរ A: ផ្តល់ជូនសម្រាប់ ជើងហោះហើរក្នុងប្រទេស ដែលផ្តល់សេវាបម្រើយ៉ាងឆាប់រហ័ស និងងាយស្រួលសម្រាប់អ្នកដំណើរដែលធ្វើដំណើរនៅក្នុងប្រទេសកម្ពុជា។
  ជួរ B ដល់ G: ផ្តល់ជូនសម្រាប់ ជើងហោះហើរអន្តរជាតិ ផ្តល់សេវាកម្មឆាប់រហ័ស និងមានប្រសិទ្ធភាពសម្រាប់អ្នកដំណើរទៅកាន់ក្រៅប្រទេស។
• ជួរ H: សម្រាប់ សេវា Fast Track ដើម្បីផ្តល់អាទិភាពក្នុងការចូលពិនិត្យ ដល់អ្នកដំណើរ ប្រកបដោយភាពរហ័ស ប្រណិត និងបែបឯកជនភាព។
   

បុគ្គលិកអាកាសចរណ៍ ត្រៀមខ្លួនរួចជាស្រាប់នៅតាមបញ្ជរចុះឈ្មោះ ដើម្បីផ្តល់ជំនួយ និងសេវាកម្មយ៉ាងជាប់ចិត្តសម្រាប់អ្នកដំណើរគ្រប់ប្រភេទ។

សេវា បំពេញបែបបទថ្នាក់ពិសេស 

អ្នកដំណើរដែលចង់បានបទពិសោធន៍ចូលពិនិត្យយ៉ាងឆាប់រហ័សអាចប្រើប្រាស់សេវាបំពេញបែបបទថ្នាក់ពិសេស ដែលសេវានេះផ្តល់សេវាអាទិភាពអោយអ្នក ធ្វើអោយការចុះឈ្មោះ និងចូលពិនិត្យកាន់តែរហ័ស និងសន្សំពេលវេលា។

សម្រាប់ការកក់សេវា Premium Check-In សូមទំនាក់ទំនង៖
ទូរសព្ទ៖ +855 (0) 81916966（Telegram）
 អ៊ីមែល៖ vipfasttrack@caic.com.kh

បែបបទកក់សេវា: Click Here to Reserve
 

សេវា E-Check-In | ម៉ាស៊ីនចុះឈ្មោះដោយខ្លួនឯង

សម្រាប់អ្នកដំណើរដែលចង់អនុវត្តដោយខ្លួនឯង អាកាសយានដ្ឋានអន្តរជាតិតេជោផ្តល់ ម៉ាស៊ីន សម្រាប់ E-Check-In ដែលបានបំពាក់នៅតាមទីតាំងរួចជាស្រេច ដែលលោកអ្នក៖

• ស្កេន QR Code, លេខកក់ ឬ លិខិតឆ្លងដែន
• បោះពុម្ព សំបុត្រយន្តហោះ និងស្លាកអីវ៉ាន់
• ទៅបន្ត តុ Drop អីវ៉ាន់ ឬ តំបន់សន្តិសុខ

សេវានេះជាជម្រើសល្អសម្រាប់អ្នកដែលចង់សន្សំពេលវេលា និងឆ្លាតវៃ។

 

ជំនួយការបន្ថែម ត្រៀមខ្លួនជានិច្ច ក្បែរលោកអ្នក!!

បើអ្នកត្រូវការជំនួយបន្ថែម បុគ្គលិកយើងតែងត្រៀមខ្លួនជានិច្ច ដើម្បីផ្តល់៖

• ការណែនាំប្រើម៉ាស៊ីន E-Check-In
• ដោះស្រាយបញ្ហាអីវ៉ាន់
• សំណួរផ្សេងៗ
  
   

ចាប់ផ្តើមដំណើររបស់អ្នកយ៉ាងរលូន ជាមួយអាកាសយានដ្ឋានអន្តរជាតិតេជោ!!!