ការណែនាំអំពីអាកាសយានដ្ឋាន និងការធ្វើដំណើរ

ចាប់ពីថ្ងៃទី ០៩ កញ្ញា ២០២៥ ខាងមុខនេះ អ្នកដំណើរដែលធ្វើដំណើរពី រាជធានីភ្នំពេញ ទៅកាន់ អាកាសយានដ្ឋានអន្តរជាតិតេជោ និងពីអាកាសយានដ្ឋានត្រឡប់មករាជធានីភ្នំពេញ អាចរីករាយនឹងភាពងាយស្រួលនៃសេវា Airport Express Bus ដែលដំណើរការដោយរដ្ឋាករស្វយ័តដឹកជញ្ជូនសាធារណៈរថយន្តក្រុង(City Bus) រាជធានីភ្នំពេញ។

សេវានេះផ្តល់នូវជម្រើសដំណើរការដែលឆាប់រហ័ស ទំនុកចិត្ត និងមានតម្លៃសមរម្យ ដើម្បីធានាការតភ្ជាប់រលូនរវាងរាជធានីភ្នំពេញ និងអាកាសយានដ្ឋាន។
 

ម៉ោងដំណើរការ

🕐 រាល់ថ្ងៃ ពីម៉ោង ០៥:៣០ ព្រឹក – ១១:៣០ យប់

ផ្លូវបើកបរ

Airport Express Bus មានតម្រាយខ្សែរត់ចំនួន ពីរទិសដៅ ដូចខាងក្រោម៖

·        ទិសដៅទី១៖ ចេញដំណើរពីស្ថានីយ៍រថយន្តក្រុងរង្វង់មូលកួចកាណុង រត់តាមមហាវិថីព្រះមុនីវង្ស មកដល់ស្ពានអាកាសមរតកតេជោ បន្តរត់តាមមហាវិថីសម្តេចតេជោ ហ៊ុន សែន (ផ្លូវ ៦០ម៉ែត្រ) រហូតដល់អាកាសយានដ្ឋានអន្តរជាតិតេជោ។

·        ទិសដៅទី២៖ ចេញដំណើរពីអាកាសយានដ្ឋានអន្តរជាតិតេជោ រត់តាមមហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ) មកដល់ស្ពានអកាសមរតកតេជោ បន្តរត់តាមមហាវិថីព្រះមុនីវង្ស រហូតដល់ស្ថានីយ៍រថយន្តក្រុងរង្វ

ស្ថានីយ៍ចំណតរង់ចាំរថយន្តក្រុងមានចំនួន០៤កន្លែង៖

1.    សួនច្បារកាណាឌីយ៉ាទល់មុខរាជាយស្ម័យយានកម្ពុជា – AEB01, AEB02

2.    សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច – AEB03, AEB04

3.    មហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ) ធនាគារប្រេដ – AEB05, AEB06

4.    មហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ) ផ្សារទំនើបអ៊ីអនម៉លមានជ័យ – AEB07, AEB08

ហេតុអ្វីត្រូវជ្រើសរើស Airport Express Bus?

·        🚍 ងាយស្រួល៖ ភ្ជាប់ផ្ទាល់ពីរាជធានីភ្នំពេញឆ្ពោះទៅអាកាសយានដ្ឋាន

·        💰 តម្លៃសមរម្យ៖ ជាជម្រើសសន្សំសំចៃជាងតាក់ស៊ី និងរថយន្តផ្ទាល់ខ្លួន

·        ⏱️ ផ្តល់ទំនុកចិត្ត៖ ដំណើរការជាប់លាប់ក្នុងម៉ោងប្រតិបត្តិការ

·        🌱 បរិស្ថានស្អាត៖ គាំទ្រដល់ការដឹកជញ្ជូនបែបអេកូទេសចរណ៍